O‘zbekiston Respublikasi Prezidentining 2026-yil 24-fevral kuni yoshlar bilan o‘tkazilgan muloqoti davomida vazirlik, idora va tashkilotlarda har payshanba kunini “Yoshlar kuni” sifatida o‘tkazish, yoshlarning muammolarini o‘rganish hamda ularni qo‘llab-quvvatlash vazifalari belgilangan.
Mazkur topshiriq ijrosini ta’minlash maqsadida 2026-yil 7-may kuni Asaka tuman 29-son bolalar musiqa va san’at maktabi tomonidan Asaka tuman istirohat bog‘ida madaniy-konsert dasturi tashkil etildi.
Tadbir davomida maktabning iqtidorli o‘quvchilari hamda ustoz-o‘qituvchilari tomonidan kuy-qo‘shiqlar, milliy va zamonaviy musiqiy chiqishlar namoyish etildi. Konsert dasturi tomoshabinlarga ko‘tarinki kayfiyat ulashib, yoshlarning san’atga bo‘lgan qiziqishi va iste’dodini namoyon etishga xizmat qildi.
Shuningdek, tadbir yoshlarni madaniyat va san’atga keng jalb etish, ularning bo‘sh vaqtini mazmunli tashkil qilish hamda ijodiy salohiyatini qo‘llab-quvvatlashda muhim ahamiyat kasb etdi.
Asaka tuman 29-son bolalar musiqa va san’at maktabi jamoasi tomonidan kelgusida ham yoshlar uchun turli ma’naviy-ma’rifiy va madaniy tadbirlarni tashkil etish rejalashtirilgan.