2026-yil 21-aprel kuni fortepiano sinfi o‘qituvchisi Solijonov Rustamjon tomonidan ochiq dars tashkil etildi. Mazkur dars o‘quvchini ko‘rik-tanlovga tayyorlash mavzusiga bag‘ishlandi.

  Dars davomida o‘quvchining ijro mahoratini oshirish, sahna madaniyatini shakllantirish hamda asar ustida ishlashning muhim jihatlariga alohida e’tibor qaratildi. O‘qituvchi tomonidan tanlangan metodlar o‘quvchining qobiliyatini yanada rivojlantirishga xizmat qildi.

    Ochiq dars 45 daqiqa davomida aniq reja asosida tashkil etilib, har bir bosqich puxta o‘ylangan holda olib borildi. Dars jarayonida texnik mashqlar, asar ijrosi ustida ishlash va xatolarni tahlil qilish ishlari izchil amalga oshirildi.

  Dars juda qiziqarli va mazmunli tarzda o‘tdi. Unda qatnashganlar o‘qituvchining pedagogik mahoratini yuqori baholab, o‘quvchini ko‘rik-tanlovlarga tayyorlashdagi yondashuvini e’tirof etdilar.