Asaka tuman 29-son bolalar musiqa va san’at maktabida shanba kuni “Sport kuni” doirasida sog‘lom turmush tarzini targ‘ib etishga qaratilgan navbatdagi tadbir o‘tkazildi. Ushbu tashabbus maktab jamoasi o‘rtasida jismoniy faollikni oshirish, sog‘lom muhitni shakllantirish hamda kunni serg‘ayrat boshlashga xizmat qiladi.
Ertalabki soatlarda maktabning barcha jamoa a’zolari bir joyga jamlanib, badan tarbiya mashqlarini bajarishdi. Mashg‘ulotlar davomida oddiy, ammo foydali jismoniy harakatlar orqali tanani chiniqtirish, qon aylanishini yaxshilash va kayfiyatni ko‘tarish maqsad qilindi. Har bir ishtirokchi mashqlarni faol va yuqori kayfiyatda bajardi.
Bunday sport tadbirlari jamoa a’zolari o‘rtasida hamjihatlikni mustahkamlash, sog‘lom turmush tarziga bo‘lgan qiziqishni oshirish bilan birga, kundalik ish faoliyatiga ham ijobiy ta’sir ko‘rsatadi. Ayniqsa, ijodiy muhitda faoliyat yurituvchi pedagoglar uchun jismoniy faollik muhim ahamiyat kasb etadi.
“Sport kuni” doirasidagi ertalabki badantarbiya mashg‘ulotlari kelgusida ham muntazam ravishda tashkil etilishi rejalashtirilgan bo‘lib, bu orqali jamoada sog‘lom va faol hayot tarzi yanada keng targ‘ib etiladi.