2026-yil 23-aprel kuni kashtachilik sinfi o‘qituvchisi To‘ychiyeva Sayyoraxon tomonidan 3-sinf o‘quvchilari ishtirokida ochiq dars mashg‘uloti tashkil etildi. Mazkur dars o‘quvchilarning kashtachilik san’atiga bo‘lgan qiziqishini oshirish, ularning amaliy ko‘nikmalarini rivojlantirish hamda milliy hunarmandchilik an’analarini chuqur o‘rganishga yo‘naltirildi.

   Dars davomida o‘quvchilarga kashtachilikning asosiy usullari, naqsh turlari hamda ranglar uyg‘unligi haqida batafsil tushunchalar berildi. O‘qituvchi tomonidan mavzu sodda va tushunarli tarzda yoritilib, har bir o‘quvchi bilan individual ishlashga alohida e’tibor qaratildi. Amaliy mashg‘ulot jarayonida o‘quvchilar mustaqil ravishda turli naqshlarni tikib ko‘rishdi va o‘z ijodiy yondashuvlarini namoyon etdilar.

  Ochiq dars jarayoni qiziqarli va samarali o‘tdi. O‘quvchilarning faolligi, ijodkorligi va kashtachilikka bo‘lgan ishtiyoqi darsning asosiy yutug‘i bo‘ldi. Mashg‘ulot yakunida o‘quvchilarning ishlari tahlil qilinib, ularga zarur tavsiyalar berildi.

   Mazkur ochiq dars kashtachilik san’atini o‘rganishda muhim ahamiyat kasb etib, o‘quvchilarning milliy qadriyatlarimizga bo‘lgan hurmatini yanada oshirishga xizmat qildi.